धादिङमा कार दुर्घटना: चुनावी माहोलबीच गाउँ फर्किएका युवाको मृत्यु

धादिङ । धादिङको नीलकण्ठ नगरपालिका–१४ सानुपधेरामा सोमबार राति भएको कार दुर्घटनामा एक जना युवकको ज्यान गएको छ।

मृत्यु हुनेमा स्थानीय तारा लामिछाने रहेको जिल्ला प्रहरी कार्यालय धादिङले जनाएको छ। बा ३ च ४५५२ नम्बरको कार आफैंले चलाइरहेका बेला अचानक अनियन्त्रित भई सडकबाट तल खसेको प्रारम्भिक अनुमान गरिएको छ।

स्थानीय बासिन्दाका अनुसार राति अचानक ठूलो आवाज सुनेपछि आसपासका मानिसहरू घटनास्थल पुगेका थिए। यो अपडेट गर्नू होला । दुर्घटनापछि गम्भीर घाइते भएका लामिछानेलाई प्रारम्भिक उपचारपछि थप उपचारका लागि काठमाडौंस्थित मनमोहन मेमोरियल शिक्षण अस्पताल लगिएको थियो। अस्पतालमा उपचारकै क्रममा आज बिहान उनको मृत्यु भएको परिवार स्रोतले जनाएको छ।

लामिछाने केही दिनअघि मात्र चुनावको सिलसिलामा गाउँ फर्किएको बताइएको छ। स्थानीयस्तरमा सक्रिय रहेका उनी विभिन्न सामाजिक कार्यक्रममा पनि सहभागी हुँदै आएका थिए।